مدونة خرابيش

عايز تكسب فلوس وإنت قاعد في البيت؟؟ بتستخدم الإنترنت لفترات طويلة؟؟ طيب إقرأ الموضوع التالي وممكن بعده تفكيرك في الكثير من الأمور يتغير جدا..



كتب:ahmed zarad

تسمع عن جوجل آد سنس؟؟ جوجل اد سينس هي إعلانات جوجل ، حيث يضع جوجل مجموعة من الإعلانات على مواقع الإنترنت، ويدفع مقابل لصحاب هذه المواقع مقابل وضعه هذه الإعلانات عليها.. المهندس أحمد عتريس سيشرح في الخطوات التالية كيفية الإستفادة ماديا من جوجل آد سينس..
1. لازم يكون عندك موقع على الإنترنت، ولو مش عايز تكلف نفسك ممكن تعمل مدونة ودي مجانية تماما وتبدأ في وضع مادة عليها يمكن أن تجذب بها زوار، على فكرة في مدونات زوارها أكثر بكثير جدا من المواقع، المهم هتقدر تجيب الناس ليها إزاي..
علشان تجيب الناس في أكثر من طريقة، ممكن تضع على المدونة مثلا مقالات تخص موضوعاً معيناً يهم الشباب، تجمع مقالات عن الكرة، وتجيب فيديوهات الأهداف من اليوتيوب وتضعها على المدونة، بعد كده لازم تروج لما تفعله، يعني تروح على غرف الشات والمنتديات وجروبات الفيس بوك وتقول انك حاطط الكلام ده في مدونتك، كده الناس هيجوا يشوفوا اللي انت كتبته.
2. تدخل على www.google.com/adsense وتعمل اكونت عليه، لو عندك أكونت في الجي ميل تقدر تدخل بيه.
3. تختار من الصفحة get ads وتسجل فيها انك عايز تضع إعلانات، وساعتها هيديك أكثر من شكل للإعلان، اختار شكل ولو لخط الإعلان وخلفيته مقارب جدا للخط واللون والخلفية الموجودة في موقعك.

3. هيطلب منك تضع بيانات سكنك، تأكد إنك كاتب عنوانك بشكل صحيح، لأن جوجل هيبعتلك جواب على بيتك فيه رقم سري ، الرقم السري هتضعه بعدين في حسابك علشان يبعتلك الفلوس، وجوجل بيعمل كده علشان يتأكد إنك شخص حقيقي..
4. جوجل هيديك كود للإعلان ، إطلب من جوجل إن هذا الكود لا يستعمل إلا في موقعك فقط، السبب في كده إن مفيش حد يكون حابب يعمل فيك مقلب فيروح يحط الكود في موقعه وساعتها ممكن يعمل شيء من المحظورات اللي هنقولها بعدين وساعتها جوجل هتلغي الحساب.
5. تقدر تحتار بين نوعين من الإعلانات، الأول هو الإعلانات العادية ويكون الإعلان عبارة عن نص وصورة ويختار جوجل الإعلان الذي يظهر عندك بناء على إهتمامات زوار موقعك، والتي يحددها جوجل من خلال مراقبته لمحتوى الموقع وطبيعة زوراه، مثلا من أي البلدان وأي اللغات.
النوع الثاني وهو إعلانات الروابط النصية، وهو الأكثر شيوعا ، ويكون عبارة عن كلمتين أو ثلاثة، وتقدر تحط في موقعك 3 إعلانات عادية و3 روابط نصية..
6. ضع الإعلانات وسط محتوى الموقع أو المدونة حتى تستطيع أن تجذب له عدد أكبر من الجمهور.

7. إبعد عن المحظورات التالية، إياك تضغط على الإعلانات بنفسك لن جوجل عن طريق الآي بي الخاص بك هيعرف انك اللي بتضغط وساعتها هيقفل الحساب.
لا تطلب من زوار الموقع أن يضغطوا على الروابط.
إذا وضعت مقالات من جرائد أو مواقع أخرى فيجب أن تذكر اسم المصدر لأن جوجل يدافع عن الملكية الفكرية.
8. الفلوس هتيجي لك بطريقة من اثنتين، الأولى عن طريق شيك يرسله لك جوجل بالبريد السريع، هذه الطريقة لا يفضلها المستخدمين لأن الشيك يأخذ وقت حتى يصل ولا يصرف من البنك إلا بعد إجراءات تأخذ شهرين كما تدفع أنت تكلفة البريد السريع.
الطريقة الأفضل هي أن يحول لك جوجل الفلوس عن طريق الويسترن يونيون وهذه اسرع وبدون مصاريف، بالمناسبة أنت من يختار الطريقة الأنسب له.
9. يتم محاسبتك شهريا، ولا يتم تحويل الفلوس لو حسابك أقل من 100 دولار، لو كان حسابك فيه أقل من 100 دولار يتم ترحيل المبلغ للشهر التالي,,
10. توجد مواقع كاملة تكسب فقط من إعلانات جوجل، يعني موقع زي jsoftj.com يكسب في المتوسط يوميا 200 دولار، يعني 6 آلاف دولار شهرياً ، يعني 33 ألف جنيه مصري تقريبا.. شوف إنت لو عملت موقع ممكن تكسب كام؟؟